كيف ما نبكيش ( بالدارجة المغربية)

كيف ما نبكيش (زجل)

القلب متألم حيران
يتقطع كيف ما يبكيش
و الدمعة رسمت طرقان
فالخد وفالعين تعيش
سمايا سحابها عطشان
وحالي راه ما يرضيش
مع القمرة نبقى سهران
و أحزاني ما تفارقنيش
كواتني الأيام بالنار
و قهرني القال والقيل
وحيدة في ركن الدار
صحابي نجوم الليل
للقمرة نحكي اللي صار
والدمعة على خدي تسيل

اللي من دمي غارق فالتيه
يلا غاب بلا يلا حضر
والحبيب الله يهديه
لعذابي ما سايق خبار
وصديقي يلا نشكي ليه
يمل حديثي فليلة ونهار
يكون فجنبي يلا نعطيه
ويلا ما عندي ينسى ويغدر

merci mehdia

مرحبا